2026 жылдың 14 шілдесінде Қытай Халық Республикасының Шыңжаң өлкесі, Үрімші қаласында Еуропа мен Азия мемлекеттері арасындағы достық пен мәдени байланысты нығайту мақсатында ұйымдастырылған «Бір белдеу – бір жол» халықаралық мәдени-өнер байқауы өтті. Аталған байқауда Шығыс Қазақстан облысы білім басқармасы Зайсан ауданы бойынша білім бөлімінің «Балалар музыка мектебі» КМҚК-ның «Жауқазын» би тобы ел намысын абыроймен қорғап, жоғары жетістіктерге қол жеткізді. «Ұлы дала жастары» және «Корей» билерімен Бас жүлдені иеленсе, Айнабұлақ ауылы филиалының бишілері «Бипыл» биімен І орынға лайық деп танылды. Бұл – талантты бишілердің қажырлы еңбегі мен кәсіби шеберлігінің, сондай-ақ жетекші ұстаз Б.Д. Жанысбаеваның тынымсыз ізденісінің жарқын жемісі. Жеңімпаз бишілеріміз бен жетекші ұстазымызды айтулы жеңістерімен шын жүректен құттықтаймыз! Өнер жолында толағай табыстарға жетіп, биік белестерді бағындыра беріңіздер! Сондай-ақ, жас өнерпаздарға әрдайым қолдау көрсетіп, сенім білдіріп жүрген ата-аналарға шынайы алғысымызды білдіреміз. Бірлескен еңбектің нәтижесі әрдайым жемісті болсын!

---

• 
• 
• 
•  

---

---

---

---