Құрметті Қазыбек Қабдырашитұлы! Сізді 60 жасқа толған мерейлі белесіңізбен шын жүректен құттықтаймыз! Өлең мен өнегені серік еткен, ауданымыздың ардақты ақыны, сөз өнерінің шын жанашыры ретінде елге қалдырған ізгілікті еңбегіңіз – өшпес мұра, ұрпақ үшін ұлағат. Сіздің қаламыңыздан туған әрбір жыр — туған жердің топырағын, халқымыздың болмысын, Ұлы Даланың мінезін арқалаған асыл дүниелер. Ұстаздық жолыңызда сан шәкіртке білім мен тәрбиенің шамшырағын жағып өнерге құштар талай жастың жүрегіне үміт сыйладыңыз. Алпыс жас – адам өмірінің кемеліне келген, тәжірибе мен толысудың биік тұғыры. Осы мәртебелі жас сізге зор қуаныш, жаңа шабыт, мықты денсаулық, отбасыңызға бақ-береке әкелсін! Жырларыңыз көбейсін, биіктеріңіз бұдан да асқақтай берсін. Еліңіздің құрметі, халқыңыздың ықыласы әрқашан жолыңыздан жарылқасын! Ізгі ниетпен: Балалар музыка мектебі ұжымы